Maly shoQol eb Isreal...!
this is amazing!
Tuesday, April 21, 2009
Saturday, April 11, 2009
الإنتخابات... الغير برلمانية
طبعا الكل لاهي هالايام بالمرشحين و دعالة بعض المرشحين و المشاكل اللي صايرة بالديرة٠٠٠
لكن في عالمنا الصغير٠٠٠ عالم الأطباء المغاوير٠٠٠
توجد لدينا انتخابات الجمعية الطبية٠٠٠
الكل يعرف المرشحين٠٠٠
و تقام الندوات و الاجتماعات٠٠٠
يتكلم فيها المرشحون٠٠٠ و نستمع فيها نحن الباقون٠٠٠
بس يعني لمن يظلون يدقون يدقون و يحنوووووووووووون٠٠٠
و المسجات ما توقف و يظلون يدزوووون٠٠٠٠
هني نحن الباقون تطلعلنا قرووون٠٠٠
و ياريييت بس جذي... يعني الاسلوب اللي يتكلمون فيييه شي غرييييب...
مثال٠٠٠
واحدة دكتورة ماعرفها من انصار حزب معين داقة تقولي بطلب منج طلب و ارجو انج ماترديني
ياسلام٠٠٠
مو انا اعرفج و تمونين علي اللي ماقدر اردج
الصراحة... شغل طرارة
كل واحد يكلمني يقولي عفية و لا ترديني... و بعدين يقولي ها شقلتي؟ احط يام اسمج صح؟
و احلى شي لمن يكلمني احد ماعرفه و يضيعلي وقتي و يقولي اهما زينين و انا أعرفهم و أنا رأيي الشخصي جذي
انزين انت متعني و داق٠٠٠ قولي انجازاتهم٠٠٠ انا ماعرفك عشان أوثق برايك الشخصي
داق بتمثل ناس سنعين و بعضهم نعرفهم و النعم فيهم٠٠٠٠ حضر نفسك و قول شي مفيد و لا تفشلهم و تفشل نفسك
و حتى الناس اللي اعرفهم اللي تبع حزب معين٠٠٠ ايون بنفس الاسلوب٠٠٠ احنا نعرفهم و اهما زينين٠٠٠
خلاص انا برشح نفسي باجر... لاني زينه و وايد ناس يعرفوني٠٠٠
و الادهى و الأمر ان ناس مالهم شغل بالطب اشتغلو مفاتيح انتخابية٠٠٠
ياني واحد (مو دكتور( بايده ورقه فيها اسامي الدكاترة و أرقامهم (عشان يحط صح يم اسم اللي يضمنه) و قعد يمدحلي بفلان و قائمته
و بعدين قالي٠٠٠٠ ها احط صح؟؟
انا ذابحني هالصح هذا
انزين الانتاخابات تو الناس عليها ليش الصح هذا؟
يا بابا باقي شهر٠٠٠ باقي اسبوعين٠٠٠ ما بقى شي٠٠٠
ليش كل مايكلمني احد بحط صح يم اسمي٠٠٠
يعني عشان تعدون منو معاكم و تنامون ليلتها مرتاحين ، ضامنين٠٠٠
يعني كلكم قائمتين٠٠٠٠
شي راجعلي آخذ وقتي بالتفكير٠٠٠ و سواء قلت أوما قلت منو بانتخب٠٠٠انا حرة مو ملزومة أأكدلك الحين و بهاللحظة
يعني يا جماعة كنتو ماشين صح٠٠٠
سويتو ندوات للتعريف عنكم و عن انجازاتكم٠٠شي حلو و حضاري و جميل
ليش هالسوالف البطالية٠٠٠٠
انتاخابات أطباء في مجتمع محدود للأطباء٠٠٠٠
ماله داعي اتدزون ناس من بره عشان يقنعون الناس اللي داخل هالمجتمع
ماله داعي يدقون ناس يمثلونكم بدافع بطلب طلب و لا تردوني
و اللي ماله داعي كلش رووح الديموقراطية الزايدة لمن تحسسونا انا مجبورين ننتخب قائمة كاملة باللي فيها و ما نختار الاطباء منفردين و على راحتنا٠٠٠
يعني كلكم جم واحد٠٠٠٠ و ما قدرتو تسوون اكثر من قائمتين
و الصراحة في دكاترة و النعم فيهم في القائمتين
و لو راجعلي٠٠٠
اختار من القائمتين٠٠٠ لان رايي الشخصي جذي
بس للاسف مالي الحرية اني اختار اللي ابيه
بس لان فلان من القائمة واحد ما يتوالم مع فلان من القائمة ٢
و العكس صحيح
;/
Subscribe to:
Posts (Atom)