زحمة
مخي مقفل حده! صارلي كم يوم أحاول اني أعصره لعل و عسى شوية أفكار من الأفكار المزدحمة بمخي تطلع و ينتج عنها بوست سنع. بس ماكو شي راضي يطلع. المخ ورم من الزحمة اللي داخله. زحمة داخل مخي. زحمة بالشارع. ماكو مصافط. ماكو طاولات فاضية ب
chocolate bar
عشان آكل شوية كاكاو يمكن يساعد و يطلع الهرمونات السعيدة اللي مكبوته داخلي لعل و عسى يتعدل المزاج. العالم مشغولين.. و المو مشغولين ناس فاضين ما ينقعد معاهم. مؤذن المسجد اللي يمنا مصمم يحط المايكروفون على العالي و مصمم إن اهو اللي يأذن معنا يبييله دوا كحة يسلك أحباله الصوتية (الصراحة مو مضطرين نسمع واحد يأذن و بين كل كلمة و الثانية كحة و لا عطسة و صوته ينشز و يقطع عند أي كلمة تحتاج مد و ماشاء الله الأذان كله مد). المرضى اللي اشوفهم مادري شفيهم و مادري شلون صايرين و شكلي بحول أعالج أطفال وايد أحسن. قلبي متروسة بس مو قادرة أقول شيء لأن الحجي مو راضي يطلع محبوس داخل. المفروض أكون مستانسة لأني خذيت قرار صح بس أنا مو مستانسة
يا زيني أول لمن ما كنت أدري إن كل ما كبرنا كل ماتعقدت الأمور. اي ان شاء الله باجر لمن أكبر و أتخرج من الثانويه (يعني اللي يتخرج من الثانوية كبير) بسوي جذي و جذي و جذي .. و كل الجذي بسوييه و انا تحت ال25. ايييي.... طل بعيني.. و طبعاً ما أنسى شكري و تقديري و امتناني للمجتمع النبيل اللي يعاملنا نحن الصنف الناعم معاملة تخلينا نحس ان احنا مانسوى بيزة طالما عدينا ال25. شكر و تقدير للبنك اللي دزلي رسالة عشان أستلم بطاقتي الجديدة بس للأسف اللي أبيه ماقدر أشتريه.. و لا بإيدي إني أحصله لأن الله اهو اللي يقرر حق منو يعطيه
اذا للحين قاعدين تقرون البوست فأنا أهنيكم على صبركم و قوة تحملكم لأني مادري شقاعد أقول و لا شقاعد أحجي و مشاعري متدربحه على الأرض و مادري شيلمهن... والله مادري شيلمهن
;/
12 comments:
somebody needs a vacation.. and fast.
Speaking of vacations..BA 140 KD to london, 3indich men al7een lain 15th June. Book by 27th Jan.
3ajlay gabel la etfesheen ghaleelich eb thers wa7ed maskeen :p
but in all seriousness, you seem to need a break. Get one, does wonders :)
يني أول لمن ما كنت أدري إن كل ما كبرنا كل ماتعقدت الأمور. اي ان شاء الله باجر لمن أكبر و أتخرج من الثانويه (يعني اللي يتخرج من الثانوية كبير) بسوي جذي و جذي و جذي .
يمن يردني لأيام الثانوية
wee wana agool mn wain hal neg(-) energy 6ale3 :P
ma agoolech ela allah y3een galbech el "MATROOSAH" <-- Lol :P
Zeecu:
9adeeeQy el 3azeez latkhaf.. in total control o lel7een mafasheet khil2eee bthers a7ad!!!!
hmmm.. london.. chanzeen!!!@@
enter q8:
e wallah yazeen hal ayaaam!!!
atoona:
lol.. te6anezeen... 6la3at 3ogob masheft your cutie;p
lol.. allah ysalim galbesh 7abeebty ;*
تبين الصج صج مشاعرج مدربحة :))
شدعوة 25 طايفة ولا 70 ؟
توج صغيرة يا بنيتي ;p
والمجتمع فيه كل الأصناف والفئات .. لا تتحبطين :)
أما موضوع أحلام الطفولة والمراهقة فهذا قصته قصة :)
موضوع جميل .. إلى الأمام دائما ..
حلوة ختمة المقالة
شيلمهن
:)
:))
sweetheart
walk/run/swim
you know that tears express your emotion in phiscal aspect
now if you walk or run you'll express yourself in the same way and all the negative energy will get out and you'll feel less crowded enshallah
try it out ;)
كلام واقعي وصحيح والواحد منا اكيد مر بالحالة هذى انه مو عارف اشلون يرتب نفسه او ينظم اوراقه او حتى يسوى شغله
بس اكيد لان في شى شاغله واحنا الحين نبى انعرف شنو الشى اللى شاغل مخج بذاك اليوم
وتحياتى لج
وييييه الله يعينج على هلاشعور صج بايخ
بس لا يأس مع الحياة ولا حيياة مه اليأس
درر درر يا ديكاتي
:)
لااااااا ابشرج قرينااااااااه كله
شنو تبين تشترين ؟ راحه البال؟؟
منوووووووووووووووو مزعلج يا يا قلبي .. ليش جذي مزعلين نعنوعتنا ليش :@ بس تبين الصج خيتي والله بدرتي جبدي شوي بهالبوست .. طلعت شوي من إلي كان بقلبي وماطلعتة لأن متناسيتة .. بس من أحد إييب الطاري أطلع إلي بجبدي كلة .. شنو بس الرياييل إلي يحطون بجبدهم ومايقولون ترا حتى إحنة بس هذا مو معناتة إن إحنة نشيل بقلوبنا لا الجبد يعني بالعينها قصب من غير لا كره ولا هم يحزنون .. أمبي كتبت قصة حياتي شفتي قلت لج في جبدي بس محد مصدقني :)
وعلى طاري البنية لمن إتخرج يعني صارت كبيرة إي عندنا وعندج خير كلنا جذي بس سبحان الله كل ما كبرنا كل ما تكبر معانا المسؤولية هذي فطرة :\
وعلى طاري الزحمة صرنا مصر أذكر كل ما أطلع مع خالتي من تشوف زحمة فجأة الكل إيده على الهرن فطق هرنات إهية بعد وتقول ايوا مصر ديد ديد . يعني السالفة حديد وواقف .. الكل والماكو عنده سيارة الكل قام ياخذ ليسن ومن هب ودب ياب إلي يبيهم ويدخلهم هالديرة السالفة هدد .. السكان مو مال واحد يزيدهم بس إلي عندنا مكفينة
..
وعلى المواقف والله أقول ...... على إلي يبني شالهندسة الخايسة مجمع شكبرها شعرضة والمواقف تقولين لعمارة بحولي !! يا أخي تبتبني إبني محد قاظبك بس حط مواقف عدلة ولا فوق هذا لازم مواقف بفلوس صاحب مجمع متحسف ياخذلة شوي من برا الموقع جنة ماعنده فلوس :\
من كثر التسيب تشوفين الديرة ماتشيل لا أجار لا تلقين بيوت تتوفر .. ماكو أكل بأكل وجان زين لأهل الديرة :\
وعلى الطاولات يا عمري كسرت خاطر نفسي وكسرتي خاطري مرات أظطر أرد أطلب بالبيت ولا آخد الأكل تيك أوي والسبة الطابور :\
حبيتي نعنوعتي بوست فريش مثلج تسلمين عليه :)
احمد الحيدر:
ba3ad shnsawee... mashkoor okhoy 3al ta3leeQ wel moroor;)
manal:
;D
someday:
wallah ta3abt wana aroo7 el gym.. !
bs you have a point! thanks;***
Qanoon:
lol..cant tell
khalha 3ala allah!
ducati:
7ad el dorar..
;D
lawyer:
and something else...;)
killi thiqa:
lool.. shaklich met2azma akthar miny..;D
allah y3enech o y3eenee ;)
thanks for your comment 7beebty;***
Post a Comment