عيدكم مبارك

و كل عام و انتم بخير و صحة و عافية

أيام نقضيها في ربوع لبنان ثم نعود

enjoy your 3eed break;)

*************

حافل حافل

أولاً: بالنسبة للبوست السابق ياي الرد على التعليقات في بوست ثاني و آسفين على التأخير

ثانياً: أول أسبوع كان حافل... محاضرات من 8صباحا إلى 3:30 قرقة و هذرة مفيدة. شي غريب و جميل العودة لمقاعد الدراسة لمدة أسبوع واحد كان عبارة عن دورة مكثفة. بس الشي الغريب و المريع و الشنيع كان تصرفات بعض الأوادم أو الدكاترة بالأصح!! يعني ليش يا عالم يا مثقفين و واصلين ليش ما تطفون تليفوناتكم او تخلونها سايلنت؟ انزين نسيتو؟ آمنا بالله.. انزين عقب ما رن اول مرة ليش ما خليتو سايلنت؟ ضروري يعني نسمع رنة المطرب المشهور أكثر من مرة؟ و لا كان ودكم الاجانب اللي قاعدين يحاضرون يسمعون رناتنا العظيمة و العالية و المتنوعة عشان لمن يردون ديرتهم يقولون يازين اهل هالديرة... انتاج الرنات عندهم سباق في عالم التكنولوجيا و التليفونات. بعد ما عندنا غير الرنات عشان ننافس فبها باجي دول العالم في ميادين العلم! طبعا في شغلات غريبة وايد صارت منها واحدة كانت قاعدة بالسطرة الاولى ردت على موبيلها و المحاضر واقف جبالها و ما بينه و بينها الا جم خطوة.. يعني فشلة ان يقولها ما يصير اثنين يتكلمون وقت المحاضرة لازم واحد بس يتكلم عشان جذي راح اسكت و اخلييج تكملين مكالمتج المهمة... فشششششششششششششلللللة

بكل همة و نشاط تابعت المحاضرات

ثالثاً: الأسبوع اللي وراه كان المؤتمر الخليجي و كان شي حلو... في مكان حلو.. منظمينه ناس حلوين.. و حاضرو فيه ناس حلوين... بس الحضور ما كان حلو و لا حافل بتاتاً!!!!!! يعني أنا أستغرب من وزارة الصحة!!! يعني مصاريف... و يايبين ناس من برة يحاضرون... و ما تعطون الأطباء تفرغ عشان يحضرون؟ انزين شلون تبون المؤتمر ينجح بدون حضور؟؟ طبعا الرنات كانت شغالة هني بعد بس هالمرة في قاعة فاضية... فكان لها صدى خلاب!!!!!!!!!ا

chocolate molar

I would have preferred a decayed necrotic molar if that meant more dark chocolate .. not a fan of white chocolate!