هنا الكويت
من رديت الديرة ما طلعت وايد عشان اكحل عيوني بالكويت و اهلها.. مو لان الانفلونزا مو راضية تفارقني من رديت، و مو لان شوارعنا ماشاء الله كلها مسكرة و فيها تصليحات، و لا لان ما كو مكان الواحد يروحله.. بس لان للحين ماطلعت سيارة و قاعدة اقزرها بسيارة البيت اللي ماحد بالشارع يحترمني فيها !!!!!!! يعني مايهم طاقة اشارة .. جني مو موجودة! خلاص المرة الياية بطلع بحصان.. و خل يسوون نفسهم مو شايفيني
***********
عقب ما رديت بكم يوم كنت طالعة اقضي كم شغلة. و انا في احد مجمعات التسوق المحترمة كنت ناطرة الاصنصير. و ،طبعا لمن الواحد ينطر الاصنصير يخلي مسافة بينه و بين باب الاصنصير عشان لايخرع اللي بيطلعون من الاصنصير هذا اذا كان في احد داخله . المهم بالمسافة الصغيرونة هذه -و انا ناطرة- ماشوف الا واحدة محترمة مع عيالها و خدمها و حشمها و فريجهم كله ياو و وقفو جدامي و ما كانت النتيجة ان صارتلي ازاحة قصرية للخلف فقط، بل المساكين اللي كانو داخل الاصنصير ماقدرو يطلعون يوم تبطل لان الجيش ما عطاهم فرصة و دخلو بالقوة و احتلو الاصنصير. فاتصكر الاصنصير و انا بعدي برة و المساكين اللي كانو داخل ظلو مأسورين و الله العالم شنو سوو فيهم داخل الاصنصيييير! ربنا على المفتري
الاحلى ان عقب ما خلصت شغلي وانا نازله بنفس الاصنصير.. دخلت على اربعة اطفال تتراوح اعمارهم ما بين ال8 و 10 سنوات. تميزو بان كلهم عصاقيل باسثناء واحد كان شكله ماكل اكلهم و اهلهم. المهم... العصاقيل قاعدين يلعبون قشمرة طق مطاقق مع بعض و كان راح يحوشني طشار.. و المتيَح كان قاعد يطق كل الارقام عشان يوقف الاصنصير بكل طابق! طبعا كان ودي اسكت بس... هيهيهيه
***********
ذاك اليوم رحنا مستشفى مبارك عشان تبدي المراجعات مرة ثانية. ساعتين و ربع ناطرين اييبون الملف. آخر شي طلع الدكتور بنفسه يدور عليه و خلى واحد من الممرضين اللي مو شغلته اييب ملفات اييبه بخمس دقايق. طبعا كل ما اروح استفسر عن الملف خلال الساعتين الاولى و اشوف ان في ناس قبلي احاول اوقف بالدور بس نفس الشي.. الازاحة القصرية موجودة بكل مكان.. و الكل يصارخ و الكل يتحلطم!!! امبيه لييييش؟؟؟؟ و يزعلون لمن يقولون عنا دول نامية!! والاحلى ان غرفة الفحص عبارة عن مكتب واحد قاعدين عليه دكتورين.. كل دكتور ماخذ جانب.. و كل دكتور على كل جانب يشوف مريض بنفس الوقت اللي الدكتور الثاني على الجانب الثاني من المكتب اللي بنفس الغرفة قاعد يشوف فيه مريض ثاني! استوعبتو؟؟ يعني مريضين يدشون على دكتورين بنفس الوقت و نفس الغرفة! ماكو خصوصية! و علية الدكتور يقولنا جني مغني سنع بفرقة تعبانة! اي والله لوية.. يعني حتى الدكتور السنع شطارتة بالتضيع بهاللوية
***********
عشان أرَوق اسمع فيروز... اهداء
28 comments:
نورت الديره
ليش تقلبين المواجع
خليها على الله
كل شي ماشي عالبركه
وماتشوفون شر
اي اي .. من قدج .. هنا الكويت :)
شكلج ناسيه الكويت اشوي
بالكويت
لزقي بالاصنصير
بالكويت
حاشري الناس عند الدكتور
جذي يمشي الشغل :)
ويعطيج العافيه
أنا لدي سيارة قديمة مخليها للمشاوير البعيدة. أتعرض للكثير من السب و الإهانات لأنهم يظنون بأنني غير كويتي
مسألة عدم إحترام الدور و قلة الذوق إكتشفتها عند عودتي و لكن أرجو أن تقاومي هذا الشئ. أنا الى اليوم أتهاوش بسبب هذا الأمر
أرجو أن لا يخفت صوتك و أن لا تعتادي على مثل هذه الأمور
طولي بالج
تو الناس ما شفتي شي
الحمدلله على السلامه
عادي الهيلق كثروا بالديره
ما تشوفين شر والحمدلله على السلامة
لووول
شكله صار فلم هندي بالاصانصير
عموما .. سالفة الدور صج تضيق الخلق
وانا اقوول لازم انتي تحاولين تغيرين من النظام خاصة عقب اطلاعج على صرامة النظام هناك .. الكويت على الله وعليكم يا شباب :P
barrak:
منورة بوجودك
:)
و الشر ماييك
اي والله ماشية على البركة
بس لي متى؟
فوضى وين ماتروح
حتى بالاصنصير
q8o blogger:
عقبالك
;)
والله ماقدر
استحي احشر عمري و اهجم على الاصنصيرات
حياك
:)
حلم جميل بوطن افضل:
اي لازم تتطلع بسيارة كشخة عشان يحترمونك و الا انت مو آدمي
:\
الله لا يقول اصير نفس زعيمة الجيش اللي هجم
لووول قاهرتني سالفة الاصنصير
kila ma6goog:
مطولة بالي
i have no other option!
eng_q8:
lool... e wayed
ysalmik :)
maximelian:
el shar mayeek o allah ysalmik
film kuwaiti wint el 9aj
ana ra7 athel miltazma bil door wel adab.. o adry sh'3le mara7 yamshe lel asaf 3ala hal 6areeQah
كم اصنصير؟؟؟؟؟؟؟؟؟؟؟؟
نعناااعه
ولكم بااك ونورتى ديرتج
وهذى الكويت صل على النبى
:))))
تتعودين ان شاءالله ماكو الا العافيه
:))
عدم احترام الدور شي عااااااادي مو احنه بالكويت ، الكل يتحلطم على عدم الاحترام والاغلب مايحترم ، والمشكله لايحترمون اب اشخاصهم ولا اب سياراتهم!
7mdellah 3l salamah!!
let them be as rude and careless as they may be!!
but you satand proud!! never change!!:*
Lol, La2 La2 mo ma3qo0La.. 7asha mo awadem!
Bs wallah khosh.. 6abeQaw netham 2 in 1 bl 3yadaat!
ana agool khaleech 3ala ur 79an plan o0 deshay feh el a9en9air, mustashfa, kel mukan o0 ma7ad byetjara2 ero7 jdamech :P
Welcome to Kuwait..hathi il bedaya..la it7ateen ma3a il waqt be9er 3endech mana3a!
اسلوبك شدني
تحياتي
هذي الكويت
هذي الكويت
صل على النبي
الحمد لله عالسلامة
أقول مثل اللي قبلي
هذي الكويت صل على النبي
!
هذي حلات الكويت والأصنصيرات مالتها
بس اهم شيء اننج تردين نفس الكويتين يعني حشر مع الناس عيييد
الله يساعدج على سرعه التعود على الكويت :)
ومشكوره على البوست
سالفة الدكتورين هذي عجيبة. قبل شهر ونص كنت مراجع عيادة في الرازي ويوم دشيت عالدكتور ولا مكتبين مثل ماقلتي . أنا كنت شاك انه المكتب الثاني مودكتور لانه ماعنده كمبيوتر نفس المكتب الأول بس عقب 10 دقايق رجعت الغرفة للعلاج ويوم عالجني دريت انه دكتور ,, عاد كنت ناوي أسئله بس تأكدت من الختم لوول.
الحمدلله على السلامه
العزيزه نعناعه
بصراحه
العالم هذي ما تفهم إلا لغة الفوضي
وما فيه شي اسمه احترام عندهم وحتي اذا كلمتيهم ردوا عليج بعشر لانهم عالم ما تفهم حتى لغة الحوار
عطيهم طاف
ونورتي الديره
الحمدلله على السلامه
العزيزه نعناعه
بصراحه
العالم هذي ما تفهم إلا لغة الفوضي
وما فيه شي اسمه احترام عندهم وحتي اذا كلمتيهم ردوا عليج بعشر لانهم عالم ما تفهم حتى لغة الحوار
عطيهم طاف
ونورتي الديره
عاجل:
كم اصنصير؟ بالفقرة و لا المجمع؟
;)
charisma:
hala o '3ala
thanks 7abebty
eeh ba3ad shnsawee:)
q8sky:
fe3lan wayed yet7al6emoon wel '3ala6 3alaihom
inshalah mankoon minhom;)
و مشكور على المرور و التعليق
:)
someday:
allah ysalmich ya galbi:)
eeh never change wa9eer nafs'hom..
never ever ;*
atoona:
LOOOL.. netham 2 in 1
3ajeebah
la khala9 me need no 79an ya Gameel ;)
big pearls:
ysalmich 7abebty:)
eeh mana3ah moktasabah!
و مشكورة على المرور و التعليق
misrdream:
شكرا على الاطراء
و حياك الله
:)
فتى الجبل:
هي ديرتنا و ما قام يصير فيها اللي نبي
;/
بعثرة مشاعر:
الله يسلمج حبيبتي
خليها على الله
:)
و مشكورة على المرور و التعليق
كويتاوي قديم:
الصراحة في حشرة ما تكوون عيييد كلش
مشكور على المرور و التعليق
:)
bader:
LOL..
زين على الاقل هالدكاترة اللي شفتهم مكشخينهم
كل واحد مكتب
انا اللي شفتهم قاعدين على نفس المكتب بس كل واحد ماخذ جانب
......
مشكور على المرور و التعليق
:)
هدب:
الله يسلمج حبيبتي
ايه و الله فوضى
بسوي فلم كويتي اسمه اهيه فوضى
نفس الفلم المصري بس اناقش فيه فوضى المجتمع الكويتي
...
و مشكورة على المرور و التعليق
:)
:/
ماكو خصوصية الحين عند بعض المستوصفات والمستشفيات
أصلا يمكن الواحد يستحي يعرض مشكله إن كان في مريض ثاني بالغرفة
انا جربتها بالرازي
نفس ماقال اخوي بدر
فعلا دكتورين بغرفة وحدة
وهذاك عنده مريض وابوه
وهذا عنده انا
وين الخصوصية
ماكو :/
عموما
نورتي الديرة
بشرينا
قدمتي اوراقج للتعيين !!
:>
الحمدلله عالسلامه
صج اكره شي زحمه الاصنصير يعني الكل يبون يدشون بدقيقه وماهمهم الزحمه
بعطيج مثال حي
بالدوام يصادف انى اكون بالاصنصير مع رفيجتي ويدشون كودة رياييييييييل يعني ننحكر انا معاها داخل ويتبطل الاصنصير الدور اللى نبيه وشوفي الحوسه اللى تصير علشان نطلع
وياكرهي يوم بيخلص الدوام اففففففف لويه وقثه بالاصنصير بعد مايكفي تنادين رفيجاتج شماله والاصنصير مافيه نسم بالاساس علشان جذي اسهل شي الدري انزل بالدري ابرك من الاصنصير المزدحم
::::
شوارعنا
المزدحمه المكسره وبيعدلون فيها جم شهر بيعدلون بس ماكو فايده مادرى متى بيخلصون
::::
اى مااحب سالفه غرفه الدكتور اللى مافيها خصوصيه للمريض بالمره شي يبط الجبد
هلا والله اخيتي والحمدالله علي السلامه ونورت الكويت برجعتج يالغاليه
اما علي سالفة النظام والاحترام بالكويت فحدث ولا حرج؛؛
لاغين شي اسمه نظام
مايعترفون بشي اسمه اولويه ودور
ماشفتي شي يالغاليه؟؟
بعد راح تنصدمين اكثر بس لا تستعيلين
وخليها علي الله
وعلي قولة الحلو: كله مطقوق؛؛؛
طولي بالج
تو الناس ماشفتي شي
تحياتي
انورت واسفرت وستهلت وامطرتك
دورتي الديره
نصيحه من ا ختج لاتطلعين بسياره محد يحترمج فيها بتصير فيج مواقف صارت فيني وقاعده تصير وبتظل تصير
بس ماراح اتخلى عن سيارتي
اما سالفة الاصنصير وايد تصر فيني اول مايتبطل الباب الاقي ناس واقفين قبالي مرات اخترع ومرات انحكر شلون اطلع واملق شي لما يكونون صبيان ويييع دمهم ثقيل مايوخرون
وسالفة المستشفيات مره صارت فيني انا واختي بمستشفى الولاده تبي تراجع عن الدكتور تخيلي 4 او 5 بغرفه وحده والغرفه مو وايد كبيره
يعني اي خصوصيه اي بطيخ اصلا كلمة خصوصيه مو موجوده بقاموسهم
تحسين جنج قاعده بمستشفى حربي
بس ناقص يحطون سراير بالممرات
aldenya:
mnawra bewjoodech 7abeebty
o eeeh mako kh9ooo9eyah kilish 3ashan chethe 7awalna khaa9 khala9 3ashan nraye7 3omerna
la wallah nshaghalt min yeet o lel7een maQadamt awragy!!!!!!
shaima'a alkanderi:
allah ysalmich 7abebty
eeh min el youm o raye7 kila daray khalaa9!! o allah y3enech 3ala dawamech
eeh sheware3na.. mo bas lazim antebeh 3al sayarat bas ham lazim antebeh etha fe 6aboogah ma7thoofah minee wela menaak wana amshee bil share3!!!!
صبا:
الله يسلمج يا قلبي
ايييه اذا مشيتي على النظام تنداسين للاسف
يالله شنسوي..
خليها على الله
:)
kuwaitya 7asaweya:
mnawrah bewjoodech 7abeebty:)
oho tabeen el 9ij n7alat moshkelat el sayarah.. bas shaklee bared 3ala sayarat el beet laman aroo7 amakin mo3ayanah
mathalan laman aroo7 el ta3leem el 3alii beshweekh ele b2akher el denya akeed ra7 aroo7 bsayarat el beet mara thanya.. lana combination el taxis el jawalah wel sha7enat wel shware3 el mkaserah mo shay 7ag sayarty el yedeedah!!
eeh shakilhom shway shway byoo9loon 7ag sarayer bil mamarat..3ady!
looool
a8wa ma8al I read today ...
bs salfat el a9an9air 3ajeeeba
......
I really need to email my friends this post
desert-roses:
hehehe.. thanks 7abebty ;*
ehe salfat el a9n9eer tnarfazt minha laman 9aratly bas now kil mathkerha ath7ak!
eh 7abebty feel free o email your friends this post.. lamane3. 3ashan yzedoon el Qoraa2 ;)
thanks for your comment :)
Post a Comment