check earings;/
و لو ان الاسباب تعددت و اختلفت لكن سبب التحلطم الرئيسي ان مشاهدة مغربية اتصلت علشان تشارك بالبرنامج. الحين الكل يدري ان اللهجة المغربية من اصعب اللهجات العربية.. بس يعني لمن شخص مغربي يتصل علشان يشارك ببرنامج فدايما يحاول يخفف لهجته و يمزجها بلهجات لبنانية\مصرية مفهومة. و الاخت اللي اتصلت حاولت كذلك.. و انا فهمت.. و المشاهدين المتابعين الاوفياء اللي كانو قاعدين يمي فهموا بعد. بس دلوعتنا الغالية و اعلاميتنا البارزة لبست قناع (انا دلوعة و مضيعة و ما افهم) و قالتلها ويي اناااااا لغة القييييييييييييق مافهمهاااااااااااا (مافهمهاا بفتح الفم ومط الناااا).بعدين ياه المذيع المخضرم بو عبداللاااااااااااااااااااااه و كملها و قالها زين انج ماتدرسين عربي، لمن قالتلهم انها تشتغل مدرسة لغة انجليزية
الحين علشان ماحط بذمتي.. راح اقول انها يمكن مافهمتهاااااااا... انزين حبيبتي وين اللباقة الاعلامية؟ فرحانة اوي طالعة على الشاشة و نسيتي آداب التخاطب بالبيت؟ مالقيييتي الا لغة القيييق تقوليينها حق وحدة داقة تشارك في برنامج دافعيلج عليه عشان تشجعين الناس انهم يشاركون فيه؟ ترى مايصير
